Është ekstraduar nga Londra Xhuljano Hoxha, i akuzuar si pjesë e grupit kriminal që kultivoi 870 kilogramë kanabis në Beratit 4 vite më parë. 31-vjeçai ishte shpallur në kërkim ndërkombëtar pasi GJKKO në prill të vitit 2024, i ka caktuar masën e sigurisë “Arrest me burg”, për disa akuza, për rastin e zbuluar dhe goditur më 10 nëntor 2022, në fshatin Drenovicë të Beratit. Nga hetimet e kryera nga Prokuroria e Posaçme rezulton se Xhuljano Hoxha, në bashkëpunim me persona të tjerë, ishte i përfshirë në kultivimin e bimëve narkotike. Po ashtu, në Aeroportin e Rinasit u arrestua provizorisht me qëllim ekstradimin, Bujar Hoxha nga Gjakova. 42-vjeçarit me banim në Amsterdam, i është vendosur masa arrest me burg nga gjykata në Spanjë një muaj më parë, për trafikim droge dhe pjesëmarrje në organizatë kriminale. Nga hetimet e zhvilluara nga Policia Gjyqësore Spanjolle është bërë i mundur identifikimi i një organizate kriminale, e cila dyshohet se merrej me trafikimin e kokainës, e vendosur kryesisht në Costa del Sol dhe me aktivitet në zona të ndryshme të territorit kombëtar. Hoxha dyshohet se është implikuar në transportin e lëndës narkotike.