Ylli i popit e bëri njoftimin e saj në një postim në Instagram, ku shkruante "Zonja e maceve pa fëmijë" - një referencë ndaj komenteve të bashkëgaruesit të Trump, JD Vance. Postimi, që thyen heshtjen e saj për zgjedhjet e 2024, vijonte: "Unë do të votoj për @kamalaharris sepse ajo lufton për kauzat e drejta." Sëift, e cila gjithashtu mbështeti presidentin demokrat Joe Biden në vitin 2020, e quajti Harris një "udhëheqëse me duar të pastra dhe të talentuar". Ajo shtoi: “Besoj se mund të arrijmë shumë më tepër në këtë vend nëse udhëhiqemi nga qetësia dhe jo nga kaosi”. Postimi i Sëift u shoqërua me një foto të saj, me një mace. Komenti i saj "Zonja mace pa fëmijë" ishte një shenjë e komenteve të bëra në 2021 nga Vance, i cili është tani kandidati i Trump për nënpresident. Vance, senatori i Ohajos, u përball me një reagim të ashpër për një klip në të cilin ai i quajti disa demokratë të njohur - duke përfshirë edhe Harrisin - "një tufë zonjash macesh pa fëmijë që janë të mjeruara në jetën e tyre". Kohët e fundit ai tha se komentet e tij ishin "sarkastike". Këngëtarja tha se ishte pjesërisht e motivuar për të ndarë vendimin e saj të votimit me publikun, pasi një imazh i krijuar nga inteligjenca artificiale e tregonte atë në mënyrë të rreme, duke mbështetur Trumpin, dhe imazhi u postua në faqen e tij të internetit. "Kjo me të vërtetë ndezi frikën time rreth AI dhe rreziqet e përhapjes së dezinformatave," tha ajo. "Më solli në përfundimin se duhet të jem shumë transparente në lidhje me planet e mia aktuale për këto zgjedhje si votuese." Trump zemëroi jo pak fansat e tejlor sëift, duke publikuar imazhe të rreme që i tregonte ata në mbështetje të fushatës së tij. Sëift është një prej personaliteteve të famshme që mbështesin Harrisin, mes të cilëve këngëtarët John Legend dhe Olivia Rodrigo, aktori George Clooney dhe regjisori Spike Lee.