Ministri I Brendshëm, Bledi Çuçi është shkarkuar nga detyra me urdhër të Kryeministrit Edi Rama. Lajmin e ka bërë të ditur vetë kryeministri Edi Rama përmes një njoftimi në Tëitter. Gjithashtu Rama ka bërë me dije se do të kërkojë emërimin në këtë pozicion të kreut aktual të Grupit Parlamentar të PS-së, Taulant Ballës. “Të hënën do t’i dorëzoj zyrtarisht Presidentit të Republikës propozimet e mëposhtme! Falenderoj ministrin Bledi Çuçi për punën e tij si gjithnjë korrekte edhe në këtë detyrë dhe uroj që ministri i ri i Punëve të Brendshme Taulant Balla, të çojë më tej përpjekjen tonë të palëkundur shtetndërtuese edhe në këtë drejtim”, ka shkruar Rama. Këto lëvizje vijnë pas ngjarjeve të ditëve të fundit, ku njerëzit e fisit Rraja dhunuan dy persona të fisit Maja në Fushë-Krujë, pas denoncimeve për guroren që është në pronësi të tyre.