Bashkë me sezonin veror, vijnë edhe një sërë problematikash që kërkojnë vëmendje, monitorim dhe adresim. Për këtë ministri i turizmit, Blendi Gonxhja mblodhi task forcën ndërinstitucionale, ku u fol për sigurinë në dek, vrojtuesit e plazheve, trafiku e zhurma akustike. Sipas Gonxhes, për mbarëvajtjen e këtij sezoni nevojitet një eficentë më e lartë e të gjitha institucioneve në terren. “Shqetësimet kryesore që u trajtuan në këtë takim lidhen natyrisht me ato prioritete të problematikave që kryesisht gjatë sezonit veror shfaqen dhe më shumë. Që lidhen natyrisht me çështjet e sigurisë: sigurisë në det e sigurisë në komunitet vrojtuesit e plazheve siguria për sa i takon trafikut, mobilitetit, lëvizshmërisë – pra, aksesueshmërisë së këtyre zonave që janë destinacione kryesore ku kemi flukset më të larta të turizmit. Kemi problemin e zhurmave, pra ndotjen akustike, që është një shqetësim i vazhdueshëm jo vetëm pranë zonave të plazheve, por edhe në zonat rezidenciale. Ka probleme që lidhen me pastrimin,që lidhen me trajtimin e mbetjeve në përgjithësi dhe me sinjalistikën.”