Një punonjës i Gardës së Republikës është vënë në pranga nga agjentët e Agjencisë së Mbikëqyrjes Policore, pasi nën efektet e alkoolit ka shkaktuar një aksident mbrëmjen e së martës në Tiranës. I arrestuari është 49-vjeçari me inicialet A.Ll., me detyrë trupë shërbimi në Gardën e Republikës. Arrestimi i tij u krye pasi rreth orës 20:00, duke udhëtuar me automjetin e tij në vendin e quajtur Kryqëzimi i Porcelanit në rrugën "Zini Sako" ka dëmtuar tre automjete të parkuara dhe është larguar nga vendi i ngjarjes.