Kreu i Partisë Demokratike, Sali Berisha, ka publikuar në Facebook një denoncim nga qytetari dixhital, duke hedhur akuza të rënda ndaj Taulant Ballës. Në postimin e tij, Berisha shkruan “Miq, Tao në tavë!”, duke ndarë edhe mesazhin anonim ku pretendohet se Taulant Balla është pronar i një call center-i që, sipas denoncuesit, merret me mashtrime financiare të tipit “forex”. Sipas mesazhit, ky call center ndodhet në zonën e Astirit, në një pallat mbi një subjekt tregtar.Denoncimi pretendon se Policia e Shtetit ka shkuar për të ushtruar kontroll në ambientet e këtij call center-i, pas komunikimeve me agjenci ligjzbatuese të një shteti tjetër. Në momentin e mbërritjes së policisë, Taulant Balla dyshohet se ka kontaktuar vetë punonjësit e policisë, duke bërë që kontrolli të ndërpritej dhe forcat të largoheshin.