Top News/ Tanket ‘ndezin motorët’, gati pushtimi / Pritet vetëm ‘drita jeshile’ për sulmin në Rafah

Izraeli do të godasë pesë rrjete të mëdha tunelesh të Hamasit në Rafah, ku mund të fshihen shefi i terroristëve Yahya Sinëar dhe ndjekësit e tij. Tanket dhe trupat e vendit thuhet se janë rreshtuar në kufirin e Gazës dhe presin dritën jeshile për të filluar ofensivën tokësore. Janë pesë zona në qytetin e shkatërruar nga lufta ku Izraeli beson se Hamasi ka tunele, e ku Sinëar thuhet se fshihet dhe përdor pengjet izraelitë si mburoja njerëzore. Izraeli ka finalizuar planet për të sulmuar qytetin dhe do të rrethojë Rafahun me qëllim që të pengojë largimin e të gjithë burrave në moshë për luftë, tha një zyrtar i lartë perëndimor i njohur me planet ushtarake të Izraelit. Një sistem pikash kontrolli do të lejojë gratë dhe fëmijët të largohen nga Rafahu para pushtimit, por burrat palestinezë ka të ngjarë të mbeten të bllokuar në qytet, tha zyrtari. Rreth 1.5 milionë civilë kanë kërkuar strehim në Rafah pasi janë larguar nga qytetet, kampet e refugjatëve dhe fshatrat më në veri të gazës.