Top News-Tanket na i dhatë, tani sillini shpejt! Zelenski falenderon perëndimin, por kërkon më shumë

Presidenti ukrainas, Volodymyr Zelenski, ka falënderuar liderët e Perëndimit për dërgimin e tankeve - për të ndihmuar në luftën kundër Rusisë - mirëpo ka thënë se ato duhet të dorëzohen sa më shpejt. Në fjalimin e tij të përnatshëm, Zelenski i ka kërkuar Perëndimit edhe raketa me rreze të gjatë veprimi, si dhe aeroplanë luftarakë. Zelensky ka thënë se i ka treguar shefit të NATO-s, Jens Stoltenberg, se “përparim duhet të arrihet edhe në aspekte tjera të bashkëpunimit në mbrojtje”, duke kërkuar kështu raketa me rreze të gjatë veprimi dhe artileri. Ai nuk ka kërkuar vetëm dërgim të shpejtë të tankeve perëndimore, por edhe numër të madh të tyre.