Rusia kreu një nga sulmet ajrore më shkatërrues në Ukrainë, me sulme në zonat civile duke ekspozuar një taktikë të re të projektuar për të maksimizuar viktimat. Të paktën pesë persona u vranë, përfshirë një vajzë 12-vjeçare në sulmet e natës në Kiev. Dhjetëra të tjerë u plagosën dhe dëme u raportuan në gjashtë rajone. Zyrtarët ukrainas thanë se afërsisht 675 dronë dhe 56 raketa u lëshuan gjatë natës, pas një breshërie të madhe dronësh gjatë ditës, të mërkurën. Ekspertët thonë se seria e sulmeve është një shenjë dalluese e taktikës së re, të dyfishtë të Rusisë, e cila kombinon një sulm vdekjeprurës gjatë natës me një sulm po aq të rëndë gjatë ditës. Sipas tyre rusia është përpjekur ti lodhë ukrainasit, duke goditur qytetet e tyre natë pas nate, por modeli i ri, që tani po i afrohet sulmit 24 orësh, pasqyron shkallën e përpjekjeve dhe burimeve që moska ka investuar në ndërtimin e kapacitetit të saj të prodhimit të dronëve dhe raketave. Deri vonë, Rusia kryente kryesisht sulme masive me dronë dhe raketa natën, por taktika ndryshoi në mars, kur Moska kaloi në një strategji sulmi gjatë ditës.