Pas disa javësh bllokimi, ushtria ruse duket se ka gjetur një mënyrë për të avancuar në Donbas, duke e goditur me bombardime kaq intensive sa ushtarët ukrainas po detyrohen të dorëzohen. Volodymyr Zelenskyy rrallë jep shifra të viktimave, por presidenti i Ukrainës tha të dielën e kaluar se "50 deri në 100 trupa ukrainase vdesin në vijën e frontit të Donbasit çdo ditë", që do të thotë ndoshta 3,000 viktima në muaj. Të plagosurit janë zakonisht tre ose ndoshta katër fish më shumë. Forcat ruse kanë siguruar më shumë terren gjatë javës së kaluar sesa gjatë gjitge muajve të kaluar. Përparimet e ushtrisëruse nuk janë të jashtëzakonshme, por ato pasqyrojnë një strategji të re. Tani për tani ata kanë braktisur përpjekjet për rrethime më të gjera të forcave ukrainase në Donbas. Në vend të kësaj, njësitë ruse janë të përqendruara në rrethime më të vogla. Kjo u konfirmua nga kreu i milicisë së republikës së vetëshpallur pro-ruse në Donetsk, i cili tha se forcat ruse po ndërmarrin rrethimeve më të vogla për t'i privuar trupat ukrainase nga logjistika dhe përforcimi.