Startupi i aviacionit Archer prezantoi të enjten një sipërmarrje të përbashkët taksish ajrore me United Airlines, që një ditë do t'i lejojë udhëtarët e qytetit të Nju Jorkut të arrijnë në aeroportet e zonës në 15 minuta ose më pak. Archer prezantoi një prototip të mjetit të tij Midnight në Mollën e madhe, të enjten. Se kur shërbimi do të jetë i disponueshëm për njujorkezët mbetet të përcaktohet nga Administrata Federale e Aviacionit në SHBA, e cila ende duhet të certifikojë mjetin me energji elektrike. "Unë nuk mendoj se dikush është i kënaqur të qëndrojë ulur në një makinë për 90 minuta, për vetëm 25 km", tha shefi ekzekutiv i Archer Adam Goldstein duke iu referuar trafikut famëkeq të Nju Jorkut.