Kriza ekonomike dhe akuzat e opozitës për taksa e çmime të larta ndaj qeverisë, shkaktuan një sërë debatesh në seancën parlamentare të së enjtes. Deputetja Jorida Tabaku hodhi akuza ndaj qeverisë se vendi ynë ka taksat më të larta në rajon, si dhe për rritjen e lartë të borxhit publik. Sipas Tabakut, qeveria i ka shkaktuar vendit një dëm pprej 380 milionë eurosh nga arbitrazhi, gjë e cila u mohua nga kryeministri. Rama në fjalën e tij, tha se Shqipëria ka taksat më të ulëta në rajon, teksa shtoi se do të ketë 0 taksë për pagat deri në 50 mijë lekë.