Nga takimet me Qeverinë shqiptare, Fondi Monetar Ndërkombëtar ka vlerësuar si kritike reformat e ndërmarra nga qeveria në politikat fiskale që lidhen me bastet online dhe lojërat e fatit në tërësi dhe për pronat. Deklarata e fondit në përfundim të këtyre takimeve thotë se të dyja këto masa duhet të miratohen në kohë. FMN këshillon Qeverinë që në një moment të dytë të marrë në konsideratë masat e paracaktuara për futjen e mëvonshme, të tilla si heqja e përjashtimeve të mëtejshme të TVSH-së dhe norma zero e tatimit për bizneset e vogla.