Takimi i dytë mes kryeministrit të Kosovës, Albin Kurti dhe kreut të Lidhjes Demokratike të Kosovës, Lumir Abdixhiku, për gjetjen e një emri konsensual për presidentin e vendit, ka përfunduar pa një marrëveshje. Takimi u mbajt në Kryeministri, ku Kurti priti kundërshtarin e tij politik, teksa për mediat tha se diskutimet, ndonëse konstruktive, nuk sollën rezultat. Nga ana tjetër, Abdixhiku nuk ka reaguar ende. Ndërkohë, pas pak takimit, shefja e Grupit Parlamentar të VV-së, Arbërie Nagavcim theksoi se kjo forcë politike shpreson në arritjen e një dakordësie mes palëve, në mënyrë që zgjedhjet të shmangen. Takimi Kurti-Abdixhiku, është i disati në pak ditë, në përpjekje për të gjetur zgjidhje për presidentin, kur kanë mbetur edhe dy ditë deri në përfundimin e afatit kushtetues, në një kohë që Vjosa Osmani ka shprehur dëshirën për një tjetër mandat.