Zyrtare dhe politikanë që janë të përfshirë në fushatën zgjedhore, në shumë prej takimeve të tyre kanë shkelur hapur masat anticovid që ndalojnë grumbullimet masive. Por pavarësisht nga shkeljet e shumta para dhe gjatë fushatës zyrtare vetëm disa prej tyre janë ndëshkuar me gjobë nga autoritetet. Fushata elektorale për zgjedhjet e 25 prillit është në kulmin e vet. Nga ajo që shihet në takimet e përditshme, një pjesë e tyre mbahen në kundërshtim të hapur me masat anticovid me shumë të pranishëm dhe pa maska. Para nisjes së fushatës zgjedhore, kryeministri Edi Rama paralajmëroi se do të ndëshkohen të gjithë ata zyrtare ë politikanë që zhvillojë takime me grumbullime massive. Por Edhe pse këto mbledhje janë publike dhe shpesh reklamohen në rrjetet sociale, policia ka gjobitur vetëm 7 politikanë për shkeljen e masave kundër COVID-19. Gjoba më e bujshme ishte ajo ndaj ministrit të Mjedisit Blendi Klosi i cili në Berat zhvilloi takim në ambient të mbyllur me të rinjë, por në shkelje të hapur me kufizimet që përcakton pandemia e covid 19. Pjesa tjetër ë gjobave maksimale të policisë u janë vendosur përfaqësuesve të opozitës.