Deklaratat pas vizitës së presidentit Donald Trump në Kinë kanë ngjallur dyshime lidhur me angazhimin e SHBA-së për Tajvanin. "Shitjet e armëve të SHBA për Tajvanin kanë qenë gjithmonë një shtyllë e paqes dhe stabilitetit në rajon dhe janë të parashikuara në ligjin amerikan”, tha Qeveria e Tajvanit duke iu referuar kështu "Taiëan Relations Act” të vitit 1979, në të cilin SHBA premton të furnizojë me pajisje ushtarake "me karakter mbrojtës”. Trump duket hezitues për dërgesat e armëve e kjo sipas tij varet nga Kina. "Mund ta bëjmë, mund edhe të mos e bëjmë”, tha ai në një intervistë për Fox Neës. Në Tajvan nuk ka kaluar pa u vënë re se Trump ka përsëritur disa qëndrime të udhëheqjes komuniste kineze. Kështu, ai e paralajmëroi Tajvanin të mos shpallë zyrtarisht pavarësinë nga Kina edhe pse për këtë nuk ka shenja konkrete. "Nuk duam që dikush të thotë: le të shpallim pavarësinë, sepse Shtetet e Bashkuara qëndrojnë pas nesh”, tha Trump. Në dhjetor, administrata Trump kishte miratuar një paketë armatimi për Tajvanin në vlerë prej 11 miliardë dollarësh. Aktualisht, miratimi i Trump për një paketë të dytë, me vlerë rreth 14 miliardë dollarë, ende është në pritje. Udhëheqja kineze nuk përjashton një zgjidhje ushtarake për të marrë nën kontroll Tajvanin. Prej vitesh ushtria po forcohet në mënyrë masive, zhvillohen rregullisht manovra të mëdha detare pranë Tajvanit, ndërsa avionët luftarakë kinezë fluturojnë afër ishullit.