Super Tajfuni Yagi, stuhia më e fuqishme në Azi këtë vit, ka vrarë të paktën katër persona pasi ka arritur në veri të Vietnamit. Stuhia goditi provincat Hai Phong dhe Quang Ninh me erërat që arritën deri në 203 km/h, tha Qendra e Paralajmërimit të Ciklonit Tropikal Indo-Paqësor. Erërat e forta kanë shkaktuar dëme në ndërtesa ndërsa kanë marrë me vete dhe automjete të shutma. Po ashtu janë rrëzuar me mijëra pemë ndërsa ka pasur ndërprje të energjisë elektrike në Hanoi. Media shtetërore tha se tre persona vdiqën në provincën veriore Quang Ninh të shtunën, ndërsa një tjetër u vra në Hai Duong, afër Hanoi. Rreth 78 persona mendohet të jenë të plagosur në rajon, raporton agjencia e lajmeve AFP. Qyteti i Hai Phong në bregun e Vietnamit verior ka një popullsi prej dy milionë banorësh dhe është përballur me peshën e madhe të stuhisë. Gati 50,000 njerëz janë evakuuar nga qytetet bregdetare në Vietnam me autoritetet që kanë lëshuar një paralajmërim që të mos dalë askush jashtë. Po ashtu janë mbyllur të githa shkollat.