Tani është zyrtare; sylvinho mbetet në pankinën e Kombëtares shqiptare. Federata Shqiptare e futbollit nëpërmjet një komunikate bëri të ditur rinovimin e kontratës me trajnerin brazilian dhe dy asistentët e tij, Pablo zabaleta dhe Dorival Guidoni junior Trajneri Sylvinho dhe asistentët e tij kanë nënshkruar me qeverinë e futbollit shqiptar një kontratë deri në dhjetor të vitit 2025 dhe menjëherë do të nisë punën për edicionin e ri të nations League që do të nisë në shtator dhe kualifiukueset e Botërorit 2026. Sylvinho e mori drejtimin e kombëtares shqiptare në fillim të vitit të kaluar dhe e bëri debutimin e tij me sfidën e parë kualifikuese të Euro 2024 me Poloninë ndaj së cilës humbëm 1-0. Pas kësaj sfide gjërat shkuan në mënyrë të shkëlqyer për skuadrën tonë kuqezi që falë punës së trajnerit brazilian arriti të fitojë grupin e saj kualifikues për të siguruar pjesëmarrjen në kampionatin Evropian të Gjermanisë dhe për kuqezinjtë kjo ishte hera e dytë që e shihnin veten në fazën finale të një evropiani Në Euro 2024, Kombëtarja jonë pavarësisht se u eliminua që në fazën e grupeve tregoi se kualifikimi në këtë kompeticion nuk ishte një rastësi teksa bëri paraqitje pozitive përballë skuadrave si Spanja, Italia e Kroacia. Tani objektivi i radhës është kualifikimi për në Botërorin e 2026, një kompeticion ku numri i skuadrave pjesëmarrëse është rritur në 48