Ish-kryeministri Sali Berisha akuzon qeverinë dhe kryeministrin Edi Rama, se po tenton shpopullimin e mëtejshëm të vendit, këtë herë nëpërmjet një ligji që e kthen femrën në fasoneri. Bëhet fjalë për ligjin për nënat surrogate, që për Berishën është një koncept i doktrinës së maniatit George Soros. Dhe tani Edi Rama me ligjin e tij zgjedh dekonfigurimin e plotë. Shndërrimin pasi futi konceptet e superspekulantit Xhorxh Soros për Prindin 1 dhe Prindin 2, tani zgjedh konceptin e fermës apo fasonerisë për nënë shqiptare. Zgjedh konceptin e dekonfigurimit të plotë të familjes....Me këtë rast unë përshëndes Parlamentin Evropian që në një akt të përgjegjshëm, me një shumicë të jashtëzakonshme votash, shpalli surrogacinë që do të instalojë në Shqipëri Edi Rama me ligjin e tij, një krim evropian. Sipas Berishës, Rama po tentonte të avanconte këtë ligj në Kuvend në stilin e hienave dhe pa konsultë me qytetarët. Një ligj i tillë për Berishën është një tentativë tjetër për shkatërrimin e familjes shqiptare. Për këtë ai theksoi se PD, ka në plan të parë të saj familjen, si një prej vlerave themelore të shoqërisë. Berisha poashtu i bëri thirrje Bashkimit Europian të reagojë kundër këtij plani si dhe paralajmërimeve për të importuar 40 mijë puntorë nga Filipinet.