Ndërsa të gjithë janë të fokusuar tek numërimi votive dhe rezultati i zgjedhjeve, ajo që ka suprizuar të gjithë mëngjesin të hënës ka qenë dorëheqja e parevokueshme e Topm Doshit nga mandati aktual i deputetit, por edhe ai që mund të këtë marrë djë në Shkodër. Përmes një letre drejtuar KQZ-së Doshi i kërkon ta zëvëndësojë atë, ndërsa thotë se dorëheqja është e parevokueshme,. “Unë i nënshkruari Tom Doshi me vullnetin tim të lirë dhe të plotë deklaroj se në datën 26 Prill jap dorëheqjen nga mandati im si deputet i Kuvendit të Shqipërisë. Deklaroj se sot në datë 26 Prill jap gjithashtu dorëheqjen nga mandati im si deputet i fituar pas zgjedhjeve 2021 dhe jap dorëheqjen nga lista shumëemërore e kandidatëve për deputet të PSD për zgjedhjet për Kuvendin e Shqipërisë të datës 25 Prill. I kërkoj KQZ të bëjë zëvendësimin tim si deputet sipas parashikimeve të Kodit Zgjedhor”, thuhet në letrën e dorëheqjes së Doshit. Ai sqaron më tej se vendimi për t’u dorëhequr është në përputhje me vullnetin e tij të lirë dhe të plotë duke kërkuar nga KQZ që mandatin e fituar t’ia kalojë kandidatit tjetër sipas parashikimeve të Kodit Zgjedhor. Nga të dhënat e numërimit të votave, partia e drejtuar nga Tom Doshi mund të marrë deri në tre mandate. Gjatë hartimit të listave të kandidatëve, ku Tom Doshi kryesonte lisën e PSD në qarkun e Shkodrës, ambasada amerikane ishte shprehur kundër kandidimit të tij në zgjedhje. Ambasadorja Yuri Kim në deklaratat e saj disa herë ka përmendur emrin e Doshit, si një person të cilit i është ndaluar hyrja në Shtetet e Bashkuara që në vitin 2018 për shkak se “është i përfshirë në korrupsion të nivelit të lartë”. Por pavarësisht nga këto qëndrime, Doshi nuk pati asnjë pengesë dhe asnjë hezitim për të kandiduiar deria mëngjesin e sotëm bëri të ditur dorëheqjen, në një kohë kur ka bërë një fushatë të fortë në qarjkun e shkodrës dhe ku mund të ketë fituar dy mandate deputeti.