Tajvani po kërkon për 33 persona të zhdukur pasi një tajfun i fortë derdhi një liqen të tërë mbi një qytet të vogël, duke çuar në një katastrofë pasi shumë viktima ishin shumë të moshuar për të ndjekur udhëzimet e evakuimit ose për t'u ngjitur në katet e larta të shtëpive të tyre. Viktimat, numri i të cilave shkoi në 14, pasuan shirat e rrëmbyeshëm të sjellë nga Super Tajfuni Ragasa. Tajvani subtropikal normalisht është i mirëpërgatitur për evakuime përpara tajfunëve, veçanërisht në bregdetin lindor malor dhe me popullsi të pakët, gjë që kufizon viktimat. Por numri i të vdekurve këtë herë ka ngritur pikëpyetje nëse një urdhër për t'u ngjitur në katet më të larta ishte i përshtatshëm dhe çfarë mund të ishte bërë ndryshe. "Përtej mbajtjes zi për viktimat, ne duhet të hetojmë shkaqet e vdekjeve, të cilat ndodhën kryesisht në katet e para," tha Kryeministri në një takim të kabinetit të enjten. Edhe kina u mbyll nga tajfuni Ragasa ku dëmet nuk ishin aq të rënda sa ishin parashikuar, por sidoqoftë, stuhia i detyroi megaqytetet të mbylleshin plotësisht. Njerëzit në shumë zona ishin evakuuar ose ishin urdhëruar të qëndronin në shtëpi. Ata sidoqoftë janë mësuar me tajfunët në këtë pjesë të botës dhe janë të mirëpërgatitur, pavarësisht se ekspertët thonë se intensiteti i këtyre stuhive po rritet. Ragasa është tajfuni i nëntë që ka goditur Hong Kongun këtë vit dhe mesatarja vjetore është normalisht gjashtë.