16 persona janë arrestuar dhe 24 të tjerë janë shpallur në kërkim, pas një superoperacioni të policisë së shtetit, në bashkëpunim me Guardia di Financën italiane, në zonën e Niklës dhe të krujës. Gjatë operacionit, kanë përfunduar në pranga shtetasit: Asllan Deliu, Marsel Loci, Eldi Kaceli, Indrit Kullaj, Dashamire Deliu, Musait Vathi, Xhavit Kullaj, Dashamir Kullaj, Ferit Kullaj, Erlind Almeta, Fetije Kullaj, Refik Deliu , Erjon Deliu , Flamur Halili, Ervin Perlica dhe Sokol Kullaj. Bazuar në të dhënat e mbledhura nga monitorimet me dronë, të policisë së shtetit, dhe nga ajri, përmes avionëve të Guardia di financës, dhe në bazë të informacioneve të mëhershme, gjatë operacionit u kontrolluan sera, magazina, banesa dhe zona të pyllëzuara. Në përfundim të operacionit u sekuestrua një laborator që shërbente për kultivimin e bimëve narkotike përmes ngrohjes me llampa, kubikë dhe fidanë kanabis, 5 automjete dhe prova të tjera materiale. Operacioni me emrin e koduar Agimi, ka cuar në prangosjen edhe të dy punonjësve të OSHEE si edhe kryeplakut të fshatit halil, 61 vjec. Vec të arrestuarve, edhe 24 persona janë shpallur në kërkim ndërsa në gjendje të lirë, sipas njoftimit, do të procedohen 3 të tjerë. Tani gjithcka është në duart e prokurorisë së rrethit gjyqësor krujë e cila do të ndërmarrë veprimet e mëtejshme. Policia e shtetit ndërkohë, ka publikuar edhe pamje nga operacioni.