Natën e 5 dhjetorit 2025, një superhënë do të shkëlqejë. Pas fenomeneve të ndodhura në muajin tetor dhe nëntor, një supërhënë do të shfaqet për herë të tretë radhazi në fillim të dhjetorit. Hëna ka një distancë prej 384 mijë e 405 kilometrash larg Tokës. Kur ajo afrohet në një distancë prej më pak se 360 mijë kilometrash, quhet superhënë, ndërsa kur shkon 405 mijë kilometra mini-hënë. Midis këtyre dy pikave ekstreme, madhësia dhe shkëlqimi i Hënës mund të ndryshojnë deri në 30 për qind. Megjithatë, këto ndryshime vështirë se vihen re pa instrumente matëse astronomike. Edhe pse një hënë e plotë është e dukshme afërsisht çdo 29 ditë, ne përjetojmë një superhënë vetëm tri deri në katër herë në vit. Kjo ndodh pasi Hëna rrotullohet rreth Tokës në një orbitë eliptike: vetëm kur Hëna e plotë është në pikën më të afërt me Tokën, ajo duket veçanërisht e madhe dhe e ndritshme. Nëse është më larg, duket si një hënë e plotë e zakonshme, edhe nëse shkëlqen plotësisht. Në mënyrë tipike, hëna e plotë në dhjetor quhet edhe "hëna e ftohtë", emri i së cilës vjen nga tradita evropiane dhe Amerikës së Veriut dhe i referohet netëve me ngrica.