Rusia pretendon se ka prova që lidhin sulmin e përgjakshëm në Moskë me shtetin ukrainas. Sipas mediave të huaja, Rusia pretendon se ka fakte se personat e armatosur që vranë më shumë se 140 njerëz në një sulm në një sallë koncertesh në Moskë javën e kaluar ishin të lidhur me “nacionalistët ukrainas”. Komiteti rus Hetimor tha gjatë një deklarate se sulmuesit kishin marrë sasi të konsiderueshme parash dhe kriptomonedhash nga Ukraina. Sipas mediave Komisioni rus Hetimor nuk ka ofruar prova dhe fakte në lidhje me çështjen. Sakaq, Ukraina ka mohuar prerazi se kishte të bënte me sulmin, më vdekjeprurësi në 20 vjetët e fundit në Rusi. ISIS ka marrë përgjegjësinë për sulmin e javës së kaluar në sallën e koncerteve “Crocus City Hall”.