Pesë ushtarë amerikanë u qëlluan me armë zjarri në një bazë ushtatrake në shtetin e Xhorxhias, thanë autoritetet këtë të mërkurë. Sipas raportimeve, ngjarja ndodhi në bazën ushtarake Fort Steëart, ndërsa autori i sulmit raportohet se është arrestuar dhe se për komunitetin nuk ka më asnjë rrezik. Ushtarët e plagosur u dërguan drejt spitalit për ndihmë mjekësore. incidenti u regjistrua në orën 10:56 sipas kohës lokale. Njerëzve në bazë iu tha të qëndronin brenda dhe të mbyllnin dritaret dhe dyert. Guvernatori i Xhorxhias, Brian Kemp, reagoi ndaj të shtënave. Në një postim në X, Kemp thotë se është në kontakt me forcat e rendit dhe lutet për të plagosurit. "Ndërsa mbetemi në kontakt të ngushtë me forcat e ligjit në terren, Marty, vajzat dhe unë jemi të trishtuar nga tragjedia e sotme në Ft. Steëart", shkroi Kemp. Sekretarja e Shtypit e Shtëpisë së Bardhë, Karoline Leavitt, shkroi po ashtu se Presidenti i SHBA-së, Donald Trump, është informuar për të shtënat. "Shtëpia e Bardhë po monitoron situatën," shtoi ajo. Baza Fort Steëart është baza më e madhe e ushtrisë amerikane në lindje të lumit Misisipi, sipas Departamentit të Mbrojtjes të SHBA-së. Baza është shtëpia e 10,000 njerëzve, sipas një Sondazh të Komunitetit Amerikan të vitit 2023.