Shtatë ushtarë izraelitë humbën jetën të martën në qytetin jugor të Gazës, Han Junis, pasi mjeti i tyre i blinduar u godit nga një shpërthim, konfirmoi një zyrtar ushtarak izraelit të mërkurën. Zyrtari, që foli në kushte anonimiteti për shkak të rregullave ushtarake, tha se identiteti i gjashtë prej tyre është bërë publik. Që nga shpërthimi i luftës më 7 tetor 2023, pas sulmit të Hamasit në Izrael, janë vrarë më shumë se 860 ushtarë izraelitë, mbi 400 prej tyre gjatë operacioneve tokësore në Gaza. Ndërkohë, ushtria izraelite njoftoi se një tjetër ushtar u plagos rëndë të martën nga të shtëna armësh në të njëjtën zonë, Han Junis.