Mijëra banorë të Gazës kanë sulmuar magazinat dhe qendrat e shpërndarjes së ndihmave në pjesën jugore dhe qendrore të rripit të Gazës, duke vjedhur miell dhe ushqime të tjera – tha agjencia e kombeve të bashkuara për refugjatët palestinezë. “Kjo është një shenjë shqetësuese se rendi civil po pëson kolaps pas tre javësh luftë dhe një rrethimi të plotë të Gazës”, tha agjencia në një deklaratë për shtyp. “Njerzit janë të frikësuar, të frustruar dhe të dëshpëruar. Tensionet dhe frika janë përkeqësuar nga ndërprerja e linjave të telefonave dhe internetit”, thuhej më tej në deklaratën që nuk specifikonte se cilat magazina ishin sulmuar ose se kur kishin ndodhur sulmet. Shefi humanitar i Kombeve të Bashkuara, Martin Griffiths tha të enjten se ndihmat me zor kanë hyrë në gaza gjatë javës së shkuar ndërsa bombardimet izraelite vetëm intensifikohen.