Kryeministri I Kosovës Albin Kurti dhe presidenti serb, Aleksandër Vuçiç do të takohen këtë të martë me shefen e re të diplomacisë së BE, Kaja Kallas. Takimet do të zhvillohen të ndara në Bruksel, ndërsa mësohet se nuk do të jenë në kuadër të dialogut për normalizimin e marrëdhënieve mes dy vendeve. Takimet u konfirmuan nga zëdhënësja e Bashkimit Europian për politikën e Jashtme Anita Hipper, e cila teksa u pyet lidhu me sulmin terrorist mbi kanalin Ibër-Lepenc, përsëriti edhe njëherë qëndrimin e Brukselit duke ftuar të gjithë që të bashkëpunojnë me autoritetet e Kosovës për të zbuluar të gjithë të personat e përfshirë me qëllim që të përballen me drejtësinë. Mësohet se Kurti dhe Vuçiç në Bruksel do të zhvillojnë edhe takime të ndara me presidentin e ri të Këshillit Evropian, Antonio Kosta. ndërsa më pas ata d otë marrin pjesë dhe në një darëk joformale. Kallas është shefja e re e politikës së jashtme dhe sigurisë së BE-së dhe së bashku me pjesën tjetër të komisionarëve të KE-së nisën mandatin më 1 dhjetor. Por ditëve të fundit Kurti dhe Vuçiç kanë hedhur akuza mes tyre pas sulmit terrorist të ndodhur në Zubin Potok, pasi Kosova fajëson Serbinë për ngjarjen.