Autoritetet turke kanë arrestuar 48 terroristë si pjesë e organizatës terroriste ISIS, në lidhje me një sulm me armë në kishën Santa Maria në Stamboll në fund të janarit. Lajmi është konfirmuar nga ministri i brendshëm i vendit Ali Yerlikaya. “Në operacionet e kryera kundër organizatës terroriste ISI , u kapën 48 të dyshuar, sidomos ata të lidhur me autorët e sulmit të 28 janarit në kishën Santa Maria të Stambollit, ku mbeti i vrarë një person dhe ata që ishin në kontakt me zonat e konfliktit," shkroi Ali Yerlikaya në rrjetin social X. Ky operacion u krye nga departamentet e policisë së Stambollit dhe Ankarasë në koordinim me Drejtorinë e Përgjithshme të Inteligjencës së Sigurisë dhe Departamentit të Kundër Terrorizmit. Gjatë operacioneve, 30 të dyshuar që besohet se ishin të përfshirë në sulmin në kishën Santa Maria u kapën nga ekipi i antiterrorizmit nga Departamenti i Policisë së Stambollit, ndërsa 18 të tjerë të lidhur me ISIS u arrestuan nga Departamenti i Policisë së Ankarasë.