Top News – Sulmi ndaj Berishës bën ‘xhiron’ e botës / Mediat e huaja: Përgjaket por del në tribunë

Sulmi ndaj ish kryeministrit shqiptar, Sali Berisha, në protestën e të martës në Tiranë, është pasqyruar edhe në mediat e huaja. Associated Press, shkruan se 78 vjecari berisha po udhëhiqte qindra protestues në kryeqytetin shqiptar, shumë pranë vendit ku po mbahej një samit i rëndësishëm i BE-së, i shoqëruar nga ish presidenti Ilir Meta, kur një burrë doli nga turma dhe e goditi atë në fytyrë. Agresori, shkruan Associated Press, u rrethua menjëherë nga truprojat ndërkohë që nuk është e qartë arsyeja përse ai e kreu këtë gjest. Agjencia e lajmeve citon edhe policinë shqiptare që thotë se 31 vjecari vuante nga crregullime mendore dhe se edhe më herët ishte përballur me akuza për akte dhune e madje edhe trafik droge.