Një rus i tretë përballet me akuza për përfshirjen e mundshme të tij në helmimin në Salisbury në 2018-ën, që sëmuri rëndë tre persona dhe i mori jetën një tjetri. Burimet e sigurisë besojnë se Denis Sergeev ishte komandanti në terren në sulmin me Bovicok kundër ish agjentit të dyfishtë Sergei Skripal dhe vajzës së tij Yulia. Daën Sturgess vdiq pas helmimit dhe një oficer policie u sëmurë rëndë. Policia po ashtu beson se i dyshuari i fundit i përket një ekipi të inteligjencës ushtarake ruse. Sergeev besohet se ka qenë anëtari më i lartë i ekupit nga GRU-ja Ruse dhe se ka patur lidhje edhe me aktivitete të tjera nën koperturë në evropë. Shërbimi i prokurorisë i kurorës ka autorizuar akuzat e reja, por të dyshuarit nuk mund të akuzohen zyrtarisht për sa kohë që nuk janë të arrestuar. Më 2 mars 2018, ekipi i GRU-së mbërriti në Britaninë e Madhe. Dy persona, me emrat Alexander Petrov dhe Ruslan Boshirov, arritën në aeroportin e Gatëick-ut ndërkohë që policia tha më pas se emrat e tyre të vërtetë ishin Anatoliy Chepiga dhe Alexander Mishkin. I treti, Denis Sergeev, duke përdorur emrin Sergey Fedotov, kishte mbërritur në Heathroë më herët atë ditë. Chepiga dhe Mishkin kishin udhëtuar drejt Salisburyt për të hedhur agjentin nervor ushtarak Novicok në derën e shtëpisë së ish oficerit të GRU-së, Sergei Skripal. Ai dhe vajza e tij u sëmurën rëndë, ashtu si edhe Nick Bailey, asokohe polic. Chepiga dhe Mishkin u shfaqën në një televizion rus pasi u identifikuan në 2018-ën dhe thanë se ata kishin qenë në qytet thjeshtë si turistë, për të parë katedralen. Rusia ndërkohë ka mohuar gjithnjë përfshirjen.