Drejtori i FBI mbrojti të martën rolin e byrosë së tij për të siguruar të dhëna inteligjence para dhunës së 6 janarit në kongresin amerikan, ndërsa ai u përball me pyetjet e ligjvënësve nëse agjentët e kishin nënvlerësuar rrezikun. Christopher Ëray, në dëshminë e parë të tij që nga rebelimi vdekjeprurës nga mbështetësit e presidentit të atëhershëm Donald Trump, tha po ashtu se Byroja Federale e Hetimit ka shtuar në mënyrë dramatike hetimet e saj për grupe të brendshme ekstremiste, përfshirë ato që mbrojnë supremacinë e bardhë. Dhe ai nënvizoi se nuk kishte prova që anëtarë të ANTIFA-s ishin pjesë e dhunës, që FBI i ka shpallur si terroristë të brendshëm. Ai mbrojti agjencinë e tij dhe mënyrën se si ishin mbledhur informacionet në prag të zemërimit në Kapitol, pasi personeli i sigurisë dëshmuoi në kongres muajin e shkuar se nuk ishin informuar nga komuniteti i inteligjencës për kërcënimin e 6 janarit. Pamjet: AFP