Një sulm me dron rus ka vrarë një person dhe ka plagosur 11 në periferi të kryeqytetit ukrainas, tha guvernatori rajonal të dielën. Mykola Kalashnyk, guvernatori rajonal i Kievit, raportoi "një tjetër sulm me dron të armikut" dhe tha se ekipet e shpëtimit po evakuonin banorët e një ndërtese të lartë dhe se shuarja e flakëve ishte duke vazhduar. "Për fat të keq, si rezultat i sulmit në Vyshgorod, një person u vra dhe 11 u plagosën. Midis tyre edhe një fëmijë", shkroi Kalashnyk në Telegram. Sulmi i fundit vjen pas një sulmi rus me dron dhe raketa të premten në mbrëmje që vrau tre persona dhe la qindra mijëra të tjerë, në të gjithë Ukrainën pa energji elektrike. Presidenti ukrainas Volodymyr Zelensky thotë se puna vazhdon pas sulmeve në shkallë të gjerë me raketa dhe dronë rusë që kanë vënë në shënjestër infrastrukturën energjetike të vendit dhe se forcimi i mbrojtjes ajrore mbetet "prioriteti numër një" i Kievit.