Autoritetet ruse arrestuan tetë persona për planifikimin e një sulmi ndaj një fabrike në rajonin e Moskës dhe arrestuan edhe një shtetas të huaj për vëzhgim të ndërtesave qeveritare dhe infrastrukturës strategjike, raportuan të premten agjencitë shtetërore të lajmeve. Arrestimet e para kishin të bënin me tetë persona që u zbulua se kishin përdorur 35 dronë të pajisur me eksplozivë të kontrabanduar nga Bashkimi Evropian për të sulmuar një fabrikë strategjike të mbrojtjes në rajonin e Moskës, tha agjencia shtetërore e lajmeve TASS, duke cituar Shërbimin Federal të Sigurisë të Rusisë (FSB). Sgjencia shtetërore e lajmeve RIA, tha ndërkohë në një raportim të ndarë, se një shtetas i huaj nga një vend i paspecifikuar u arrestua në rajonin veriperëndimor të Murmanskut, ku ai po planifikonte të kalonte kufirin për në Norvegji. FSB tha se individi dyshohej se kishte vëzhguar trena që transportonin produkte nafte në një stacion hekurudhor të Moskës, si dhe ndërtesa administrative në kryeqytetin rus, sipas agjencisë shtetërore të lajmeve RIA.