Ministria e Punëve të Brendshme të Kosovës ka bërë një bilanc pas protestavë në Veri të Kosoës, duke bërë të ditur se gjatë përleshjeve të dhunshme, ka pasur një numër të lartë të të lënduarve dhe veturave të dëmtuara Sipas të dhënave të ministrisë, gjatë javës së kaluar në këtë veri janë regjistruar 21 sulme kundër gazetarëve, 6 zyrtarë policorë janë plagosur, dhe 30 ushtarë të KFOR-it janë mbetur të lënduar, tre prej tyre me armë zjarri. Po ashtu, dy qytetarë janë dhunuar dhe 7 vetura të policisë janë dëmtuar, prej të cilave dy janë djegur tërësisht. “Dhuna dhe terrori i ushtruar nga milicia fashiste ka prodhuar numra të konsiderueshëm të akteve kriminale. Kaosi që kanë tentuar të krijojnë bandat kriminale të dirigjuara dhe orkestruara nga Beogradi, kanë shkaktuar lëndime në njerëz, dëme materiale dhe tentim ndalimin e shprehjes së lirë e raportimit nga mediat”, thote ministria e Brendshme e Kosovës në postimin e saj. Sipas qeverisë së Kosovës, qëllimi i këtyre të bandave të armatosura që qënë nxitja e konflikteve dhe ndëretnike nga individë kriminal. “Këto numra dëshmojnë që protestat nuk kanë qenë paqësore. Protestat nuk kanë qenë të qytetarëve. Protestat janë të milicisë fashiste”, thote ministria.