Lëshimi i rreth 200 raketave balistike nga Irani në zemër të Izraelit, të martën, e ka sjellë konfliktin në Lindjen e Mesme në pikën e vlimit. Ushtria izraelite ka premtuar ‘pasoja’, kryeministri Benjamin Netanjahu tha se Teherani do ta paguajë. E ndërkohë, bota mbetet me frymën pezull, në pritje të një lufte në shkallë të gjerë, që është më e mundshme se kurrë. Kur Irani sulmoi me dronë tel avivin, në prill, izraeli u kufizua në një mision të vetëm si kundërpërgjigje, në atë që u konsiderua më shumë një goditje simbolike me qëllim që të shmangej përshkallëzimi i mëtejshëm. Këtë herë, situata është më dramatike. Irani për shumëkënd duket i pambrojtur dhe më i dobët, megjithatë, rreziqet për izraelin janë të mëdha kur flitet për një sulm hakmarrës. Nëse izraeli do të ndërmerrte një sulm serioz ndaj iranit, do të duhej ta bënte këtë i vetëm, në një kohë kur është i angazhuar në luftime në kufijtë veriorë dhe jugorë. Irani do të ishte një front i tretë. Nuk dihet si do të reagonte armiku i izraelit në veri, siria, në një skenar të tillë. Kjo e fundit nuk ka shumë forcë ajrore, por ka një arsenal të frikshëm raketash. Më pas është Moska, që mbështet iranin dhe sirinë. E vetmja gjë e sigurt është se izraeli ka në dispozicion një arsenal të madh ushtarak dhe njerëzor. E kur të zgjedhë të godasë iranin, mund ta bëjë në shumë mënyra. Një prej tyre është përmes sulmeve ajrore. Izraeli ka një prej forcave ajrore më të forta në botë, të pajisur me avionë luftarakë amerikanë F16 dhe F35. Nga ajri, izraeli mund të shkatërrojë infrastrukturën jetike të iranit, si rafineritë e naftës. Raketat nga toka dhe deti, janë një tjetër opsion, bashkë me luftën elektronike. Atentatet e shënjestruara janë po ashtu në tryezë, me izraelin që ka eleminuar deri më tani disa shkencëtarë bërthamorë të Iranit. Në shënjestër madje është edhe lideri suprem, Ajatollahu Ali Khamenei, por thuhet se ai fshihet në një vend të sigurt...Sulmet nga drejtime të papritura janë një tjetër mundësi...Avionët izraelitë mund ti afrohen iranit nga vende fqinje, si arabia saudite apo emiratet e bashkuara arabe, me të cilët Irani nuk ka marrëdhënie të mira. Dhe i fundit në tryezë është edhe opsioni bërthamor. Izraeli mund të përdorë raketat e tij të famshme që shkatërrojnë bunkerët për të goditur objektet bërthamore nëntokësore të Iranit, ku shkencëtarët punojnë për pasurimin e uraniumit për të prodhuar bombat bërthamore.