Një foshnje e sapolindur u vra pas një sulmi rus që goditi pavionin e maternitetit në rajonin jugor të Ukrainës, Zaporizhia, që Moska pretendon se e ka aneksuar – thanë shërbimet ukrainase të emergjencës të mërkurën. Gjatë natës mes të martës dhe të mërkurës, në qytetin Vilniansk në rajonin e Zaporizhias, si rezultat i një sulmi me raketa në territorin e një spitali lokal, ndërtesa dy katëshe e repartit të maternitetit u shkatërrua”, thanë skuadrat e shpëtimit në mediat sociale. Ata shtuan se ishte një grua lehonë dhe një foshnje e sapolindur si edhe një doktor, ndodheshin brenda ndërtesës. “Si rezultat i sulmit, një foshnje e lindur në 2022 humbi jetën ndërsa gruaja dhe doktori u shpëtuan pasi u nxorrën nga rrënojat”, thanë skuadrat e shpëtimit duke shtuar se sipas të dhënave paraprake nuk kishte patur persona të tjerë të bllokuar nën rrënoja. Shërbimet e emergjencave ndanë edhe një video të skuadrave të shpëtimit që punonin për të liruar një burrë të bllokuar nën rrënojt e atij që dukej se ishte pavioni i shkatërruar i maternitetit.