Një sulm me thikë ka ndodhur këtë të mërkurë në veri të Londrës, në Golders Green. Një burrë vraponte në zonë me një thikë në dore dhe tentonte të godiste njerëzit rrotull. Nga ky sulm mbetën të plagosur dy persona. Mendohet se ky agresion ishte një sulm ndaj komunitetit hebre që jetonte në zonë. Organizata e sigurisë së komunitetit hebre, Shomrim deklaroi se reaguan menjëherë duke bërë të mundur edhe kapjen e një personi si autor të dyshuar të sulmit me thikë. Ata thanë se policia mbërriti më pas dhe neutralizuan me elektroshok personin që tashmë ishte kapur nga organizata e sigurisë së komunitetit hebre.