Një gazetar I rrjetit `Al Jazeera` u vra dhe një tjetër u plagos të premten në jug të Gazës. Samer Abudaqa mbeti I vdekur nga një raketë e lëshuar nga një dron , tha shefi I rrjetit `Al Jazeera` ndërsa Wael Dahduh mbeti I plagosur. Sipas agjencisë së lajmeve Raeuters gazetari u plagos në dyshemenë e një shkolle nga raketa, e u rportua se mjekët nuk ishin në gjendje për të arritur në kohë për shkak të bombardimeve izraelite. Pas mbërritjes në vendgjarje mjekët raportuan se Abudaqa kishte mbetur i vdekur. Abudaqa ka punuar për rrjetin `Al Jazeera` që në vitin 2004, ai ishte 45 vjec e baba i katër fëmijëve. Teksa përpara vdekjes së gazetarit, zëdhënisi I OKB-së tha se është kritike që gazetarët nuk mund të bëjnë punën e tyre për shkak se janë të frikësuar nga sulmet e dhunshme. Zedhënësi I Këshillit të Sigurisë Kombëtare i Shtëpisë së Bardhë John Kirby, ngushëlloi familjen e gazetarit dhe kolegët e tij të rrjetit `Al Jazeera`. Kirby tha se ndan dhimbjen me gazetarët në mbarë botën që janë në zi për këtë humbje. Duke nënvizuar nevojën që gazetarët dhe fotografët të jenë në gjendje të mbulojnë konfliktin në mënyrë të sigurt dhe punën e tyre jetike, zoti Kirby tha: "Nuk është kurrë e pranueshme që ata të jenë në shënjestër qëllimisht". Ai tha se Shtetet e Bashkuara kanë qenë në kontakt çdo ditë me homologët izraelitë dhe nuk ka "shenja se ata janë duke vënë në shënjestër qëllimisht gazetarët". Para vdekjes së gazetarit Abudaqa, të paktën 63 gazetarë ishin vrarë gjatë raportimit të luftës Izrael-Hamas, sipas Komitetit për Mbrojtjen e Gazetarëve. Numri i të vdekurve përfshinte 56 palestinezë, katër izraelitë dhe tre libanezë.