Një gjeneral i lartë rus është vrarë në një sulm me makinë bombë në Moskë, njoftoi Moska. Komiteti Hetues i Rusisë (SK) - autoriteti kryesor federal hetimor në vend - konfirmoi se gjenerali Yaroslav Moskalik vdiq kur një makinë Volksëagen shpërtheu. Autorët kishin vendosur pranë saj një pajisje shpërthyese të improvixzuar të cilën e kishin mbushur me fishekë. Mediat lokale raportuan se makina ishte e parkuar pranë shtëpisë së gjeneralit në periferinë lindore të Balashikha dhe shpërtheu teksa ai po kalonte pranë saj. Zëdhënësi i Kremlinit Dmitry Peskov ka fajësuar Ukrainën për sulmin, duke thënë se Kievi "vazhdon përfshirjen e tij në aktivitetet terroriste brenda Rusisë". Ukraina ndërkohë nuk ka komentuar. Moskalik përfaqësoi Shtabin e Përgjithshëm të Rusisë në bisedimet me Ukrainën në Paris në 2015, të cilat rezultuan në marrëveshjet e Minskut të krijuara për t'i dhënë fund luftës midis Ukrainës dhe forcave separatiste të mbështetura nga Rusia që filloi në 2014. Videot dhe fotot që qarkullojnë në Telegram të premten tregojnë një makinë në flakë jashtë një blloku pallatesh.