Të paktën katër persona humbën jetën të martën në një sulm terrorist në Tel Avivi, ndërsa dy agresorët u neutralizuan nga autoritetet. Këto janë momentet kur agresorët hapin zjarr drejt personave në një stacion treni. "Katër civilë u vranë nga të shtënat e dy terroristëve. Gjithashtu, shtatë persona janë plagosur me shkallë të ndryshme lëndimesh, sipas burimeve mjekësore. Të dy terroristët janë neutralizuar në vendngjarje", tha policia në një deklaratë. Mediat izraelite raportuan se të paktën katër persona që u plagosën rëndë. Shërbimi izraelit i ambulancës, MDA, tha se është njoftuar për persona të plagosur nga të shtënat dhe se ata kanë plagë të shumta në trup. Ndërkohë autoritetet nga ana tjetër po punojnë për sqarimin e rrethanave të sulmit si dhe zbardhjen e plotë të kësaj ngjarjeje të rëndë.