Të shtëna me armë zjarri u shënuan këtë të hënë në Nice të Francës. Sipas zyrës së prokurorit, një sulm i armatosur ndodhi në perëndim të qytetit, ku të paktën dy persona humbën jetën dhe disa të tjerë mbetën të plagosur. Ngjarja shkaktoi panik ndërsa kryetari I baskisë reagoi menjëherë duke e përshkruar sulmin e armatosur si të tmerrshëm. Sipas mediave franceze, dy persona që ndodheshin në një automjet kanë hapur zjarr në sheshin qendror të lagjes dhe më pas janë larguar nga vendngjarja. Të shumtë ishin qytetarët në atë zonë të cilët treguan se gjithçka ndodhi shumë shpejtë dhe se e gjithë zona pas të shtënave I ngjante një kasaphane. Sipas raportimeve tre nga të plagosurit ndodhen në gjendje kritike, ndërsa tre të tjerë kanë pësuar lëndime më të lehta. Pak ditë më parë u regjistruan dhe dy incidente të tjera të ngjashme. Ndërkohë policia është vendosur në lëvizje dhe po punon për kapjen e autorëve.