Një dezertor rus zbuloi se Vladimir Putin i kishte gati forcat e tij bërthamore, në bazat përkatëse, që nga dita kur forcat e tij pushtuan Ukrainën. Ish-oficeri i forcave bërthamore zbuloi gjithashtu gjendjen e tmerrshme të armëve bërthamore të Rusisë që ai tha se Putin i kishte përgatitur për lëshim më shumë se dy vjet më parë. Ky dezertues tha se punonte në një nga bazat e armëve bërthamore top-sekret të Rusisë në shkurt 2022. Ai shpjegoi në një intervistë për BBC, se pushtimi ndryshoi gjithçka, pasi oficerët më parë kishin bërë vetëm stërvitje me armë. Dezertori zbuloi se armët bërthamore u vendosën në pozicion lëshimi në ditën e parë të pushtimit. “Ne ishim gati të nisnim forcat në det dhe ajër dhe, në teori, të kryenim një sulm bërthamor”, thotë ai. Ish-oficeri shtoi se tre ditë më vonë, forcat bërthamore të vendit ishin urdhëruar të qëndronin në një "mënyrë të veçantë shërbimi luftarak". Ai shpjegoi se baza e tij ishte izoluar dhe punonjësit ishin “mbyllur brenda saj". Sipas tij, shumë nga oficerët dinin pak për luftën. “Gjithçka që kishim ishte ajo që thuhej në TV shtetëror rus. Nuk dinim se cfarë ndodhte në të vërtetë dhe se cfarë na priste". Ish-oficeri hodhi poshtë ndërkohë pretendimet se shumë armë nga arsenali i madh bërthamor i Rusisë ishin të vjetëruara dhe i përkisnin epokës sovjetike. Ai tha se ato armë bërthamore kontrolloheshin rregullisht dhe ishin gati për t'u përdorur. “Mund të ketë disa armë të vjetra në disa baza, por vendi ka një arsenal të madh bërthamor, një sasi të madhe mbushjesh” – thotë ai.