Një bebe ka lindur pas një transplanti të mitrës, për të parën herë në histori, në francë. Lindje të tilla janë jashtëzakonisht të rralla por jo të paprecedentta dhe ka ardhur pas një procedure delikate të transplantit të një mitre të shëndetshme tek një grua, mitra e të cilës ishte dëmtuar ose mungonte. Foshnja, një vajzë me peshë 1.8 kg, lindi të premten, sipas ekipit të spitalit Foch, jashtë parisit. Nëna dhe foshnja janë mirë – tha Zhan Mark Ajobi, shef i gjinekologjisë, obstetrikës dhe mjekësisë riproduktive në spital. Nëna 36 vjecare, emri i të cilës nuk është bërë i ditur, kishte lindur pa mitër pasi vuante nga një gjendje e rrallë e njohur si sindroma rokitanski, që prek një në 4500 gra. Ajo iu nënshtrua një transplanti të mitrës në mars 2019, të kryer nga i njëjti ekip mjekësh që asistoi edhe në lindje, duke marrë mitrën e të ëmës, asokohe 57 vjec. Mjekët thonë se duhet pritur akoma edhe një vit për tu siguruar që mitra e transplantuar të mos refuzohet nga organizmi sidoqoftë, nëna e re është e lumtur pasi mundi të sillte në jetë një foshnje të shëndetshme. Lindja e parë me një transplant mitre është regjistruar në suedi në 2014. Ajo ndodhi një vit pas operacionit të transplantit, në një rast që u dokumentua në revistën mjekësore The Lancet. Mjekët në brazil, në 2017, ia dolën po ashtu me një grua që i ishte nënshtruar transplantit të mitrës nga një donatore që kishte vdekur.