Shira të rrëmbyeshëm janë derdhur mbi kinën veriore të hënën duke marrë të paktën dy jetë njerëzish në Pekin ndërsa rrjedhat e cmendura i kanë kthyer rrugët në lumenj, duke marrë me vete automjete dhe duke zhytur nën ujë stacionet e metyrosë. Kryeqyteti kinez ndërkohë ka lëshuar alarmin më të lartë për përmbytje dhe rrëshqitje dheu. Stuhia Doksuri, një ish super-tajfun, është zhvendosur në veri mbi kinë që nga e premtja kur preku tokën në provincën Fujian ndërsa më herët kishte rrënuar filipinet. Personeli i emergjencave ka mundur të gjejë dy trupa të pajetë si pasojë e përmbytjeve në distriktin Mentougou në Pekin. Gazetarët e AFP kanë parë trungje pemësh dhe makina të merren me vete nga uji. “Ky mëngjes ishte i cmendur... uji i lumit mentougou doli nga shtrati dhe gjithcka u zhyt nën ujë”, thotë një banor. Përdoruesit e mediave sociale kanë mbushur ndërkohë rrjetin me imazhe tronditëse të mjeteve që rrëmbesheshin nga uji dhe rrugët që shndërroheshin në lumenj të tërbuar. Autoritetet ndërkohë këshilluan banorët të punonin nga shtëpia për të evituar rrezikimin e jetëve të tyre. Kina ka regjistruar kushte ekstreme moti dhe ka thyer rekordin për temperaturën më të lartë këtë verë.