Japonia, Britania dhe Italia do të njoftojnë një marrëveshje që ato e konsiderojnë historike, për të prodhuar një avion të ri ushtarak, të avancuar. Për Tokjon dhe Londrën, kjo përbën kulmin e një bashkëpunimi gjithnjë e më të ngushtë ushtarak që do ti jepte në kombim Britanisë një rol më të madh në sigurinë në Azi dhe do ti garantonte Japonisë partnerë të rinj sigurie që mund ta ndihmojnë në balancimin e fuqisë ushtarake në rritje të Kinës. Përpjekja për të shkrirë projektin britanik të avionëve luftarakë Tempest, me programin F-X të Japonisë, është raportuar nga agjencia e lajmeve Reuters që në korrik. Kjo do të ishte hera e parë që Japonia bashkëpunon me vende të tjera, përvec SHBA, në një projekt të madh të mbrojtjes. Publikimi i marrëveshjes do të bëhet para se Japonia të miratojë një strateghji të re të sigurisë kombëtare shoqëruar edhe nga plani i prokurimeve, në mesin e dhjetorit. Burimet thonë se bisedimet mes Japonisë, Britanisë dhe Italisë, për avionët e rinj ushtarakë, do të udhëhiqen nga BAE Systems dhe Mitsubishi Heavy Industries.