Momente tronditëse janë regjistruar në shtetin Uttar Pradesh të Indisë, ku një burrë u ngrit në ajër nga erërat e fuqishme gjatë një stuhie të fortë që goditi zonën të mërkurën. Burr ndodhej në fshatin Bamiyana kur era e fortë ngriti pllakën metalike të një hangari, së bashku me të. Si pasojë ai mbeti i plagosur rëndë, ndërsa pohoi për mediat nga shtrati i spitalit, se ai po përpiqej të mbahej pas një litari për të shmangur rrëzimin, por forca e stuhisë bëri që litari të këputej. “Isha në një lartësi prej rreth 9 deri në 12 metrash. Nuk e di se ku rashë. U përplasa të paktën 15 metra larg”, rrëfeu ai, duke përshkruar momentet dramatike që përjetoi. Si pasojë e rënies, Miyan pësoi lëndime të rënda, përfshirë fraktura në krahë dhe këmbë. Ai u transportua menjëherë në një spital lokal, ku mori ndihmën e parë mjekësore.