Disa pjesë të Britanisë së Madhe janë goditur nga erërat e forta dhe shiu i dendur, pasi stuhia Ashley, stuhia e parë e emërtuar e sezonit, përfshiu vendin. Zyra meteorologjike tha se stuhia ka të ngjarë të sjellë një kërcënim për lëndime dhe rrezik për jetën, me erëra me shpejtësi deri në 130 km në orë dhe shi të dendur që priten në disa zona. Një paralajmërim i verdhë për stuhinë hyri në fuqi në orën 3 të mëngjesit të së dielës për të gjithë Skocinë dhe Irlandën e Veriut, si dhe për pjesë të Anglisë veriperëndimore dhe Uellsit. Ai do të zgjasë deri në mesnatë. Një paralajmërim tjetër është lëshuar edhe për veri-perëndimin e Skocisë nga ora 9 e mëngjesit deri në mesnatë, me zyrtarët që thonë se "lëndimet dhe rreziku për jetën është i mundur si pasojë e dallgëve të mëdha dhe mbetjeve që era do të marrë me vete".