Të paktën dy persona kanë humbur jetën pasi stuhi të dhunshme goditën Francën natën e kaluar, duke pasuar kështu një valë të zgjatur të nxehti. 53,000 familje mbetën pa energji elektrike të premten, thanë mediat franceze dhe operatori lokal i rrjetit Enedis. Në Saint-Victurnien, në departamentin qendror Haute-Vienne, një grua vdiq pasi një pemë ra mbi të, të enjten në mbrëmje, dhe në Dolomieu në lindje një burrë u gjet i djegur të enjten vonë, në një punishte që u përfshi nga flakët pasi u godit nga rrufeja. Breshër me madhësinë e një topi golfi është parë në disa fshatra pasi përvec valës së jashtëzakonshme të nxehtësisë evropiane, stuhitë kanë goditur po ashtu pjesë të Evropës. Ndërsa stuhitë janë tipike gjatë dhe pas një periudhe të nxehtësisë ekstreme, ato në vende si Franca, Gjermania dhe Polonia kanë qenë veçanërisht të rënda, duke sjellë përmbytje, erëra të forta dhe shira të rrëmbyeshëm, shoqëruar edhe me topa të mëdhenj breshëri. Në qytetin Vroklav, në poloni, rrugët dhe shinat e tramvajit u mbyllën për shkak të përmbytjeve dhe erës së fortë që rrëzoi pemët. Banorët u këshilluan të qëndrojnë brenda dhe të përgatiten për akoma më shumë. Përvec evropës, kaos është parë edhe në azi ku reshjet e dendura të shiut dhe përmbytjet, të shoqëruara edhe me një muson në Bangladesh, kanë vrarë të paktën 53 persona.