Më shumë se 90 viktima si pasojë e motit të keq, janë regjistruar në SHBA pasi vendi u përball me stuhi dimrore të pamëshirshme, javën e shkuar. Në totalin e viktimave përfshihen të paktën 25 në Tenesi dhe 16 në oregon, që mbeten në gjendje emergjence pas stuhive të acarta...Dhjetëra e mijëra njerëz po ashtu kanë mbetur pa energji elektrike në pjesë të mëdha të vendit. Kushtet e acarta pritet të fillojnë të zbuten në ditët e ardhshme. Në total, 92 viktima të motit të keq janë regjistruar në të gjithë vendin, javën e kaluar, shkruan BBC. Përvec Tenesit dhe Oregonit, viktima janë raportuar edhe në Missisipi, Illinois, Pensilvani, Uashington, Kenbtaki, Uiskonsin, Nju Jork, Nju Xhersi etj. Në një incident në Portland, tre persona humbën jetën pasi era e fortë bëri që të këputej një linjë energjie dhe kabujt goditën makinën me të cilën ata po udhëtonin. Një foshnje ndodhej në makinë po ashtu dhe është e vetmja e mbijetuar. Pesë persona, pjesa më e madhe e të cilëve të pastrehë, kanë humbur jetën në Siatëll. Moti ka shtyrë zyrtarët të paralajmërojnë drejtuesit e mjeteve që të dalin nëpër rrugë vetëm nëse është e domosdoshme dhe të jenë të ndërgjegjshëm për gjendjen e tyre. Kolegjet dhe universitetet në këtë shtet kanë zgjatur pushimet e studentëve si pasojë e kushteve të rënda të motit. Probleme ka patur në disa shtete edhe me furnizimin me ujë të pikshëm për shkak të tubacioneve të cara nga i ftohti. Ndërsa deri mbrëmjen e të dielës, me mijëra e mijëra njerëz ishin pa energji elektrike.